احلى نكتة او اضحك وضحك غيرك

فكرة جميلة اوى لكل الاعضاء وحتى المشرفين ان كل واحد عندة نكتة حلوة عجبتة يقولها يمكن تعجب باقى الاعضاء وبرضة هتبقى فرصة للتعارف يعنى اللى هيقول احلى نكت هيبقى معروف وكلنا هنستنى ردة كل شوية ومش بس يقول نكتة واحدة ويسكت بالعكس دة يخلينا كلنا نرد علية بنكت احلى منها

الموضوع جميل وارجوا من الادارة التثبيت

وانا هبتدى باول خمس نكت بس مش كل اللى عندى طبعا

بسم الله الرحمن الرحيم

1- - مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي

2-واحد بتاع فيديو جيم مات كتب علي قبره جيم أوفر

3-زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

4-واحد بيسأل خطيبته : حد قبلي لمس يدك ؟ سكتت قالها : زعلتي قالت
لا : بأعدهم

5-عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده

يا ريت يا جماعة لو الموضوع عجبكوا تسمعونا احلى نكت وارجوا من الادارة التثبيت